बझाङ- मंगलबार जीप दुर्घटनामा परेर निधन भएका सुदूर पश्चिम प्रदेशका आन्तरिक मामिला तथा कानुनमन्त्री पृथ्वीबहादुर सिंहको पार्थिव शरीर बझाङ पुर्याएको छ । मन्त्री सिंहको पार्थिव शरीर दाहसंकारका लागि आजै नेपाली सेनाको हेलिकोप्टर मार्फत गृह जिल्ला बझाङ ल्याएको जिल्ला प्रहरी कार्यालय बझाङका प्रहरी नायब उपरिक्षण जोगेश्वर भण्डारीले बताए । अहिले उनको पार्थिव शरीर जिल्ला अस्पतालमा राखीएको छ ।

कैलालीमा सिंहको पार्थिव शरीरमा राष्ट्रिय झण्डा ओढाएर श्रद्धाञ्जली दिइ सकेपछी उनको पार्थिव शरीर बझाङ पुर्याएको हो । सुदूरपश्चिम प्रदेशका प्रदेश प्रमुख देवराज जोशी, मुख्यमन्त्री कमल बहादुर शाह र सभामुख भीम बहादुर भण्डारीले राष्ट्रिय झण्डा ओढाएर श्रद्धाञ्जली दिएका थिए ।

धनगढी रंगशालामा उहाँको पार्थिव शरिरमा प्रदेशका मन्त्रीहरु, निवर्तमान मुख्यमन्त्री राजेन्द्र सिंह रावल, पूर्व मुख्यमन्त्री त्रिलोचन भट्ट, पूर्व सभामुख अर्जुन बहादुर थापा, प्रदेश सभा सदस्यहरु, धनगढीका मेयर गोपाल हमाल, उपमेयर कन्दकला राना, आफन्त, शुभचिन्तक, राजनीतिक दलका नेता कार्यकर्ताहरुले श्रद्धाञ्जली दिएको प्रदेश सभा सदस्य माननिय देवान सिहँ विष्टले जानकारी दिए ।

मन्त्री सिंह चढेको सुदूरपश्चिम प्रदेश ०१९००१ झ ४८० नम्बरको जीप डडेल्धुरा बाट मंगलबार बझाङ आउदै गर्दा बझाङ जिल्लाको केदारस्युँ गाउँपालिकाको देउरा नजीकै दिउँसो १ः३० बजे दुर्घटनामा परेको थियो । उनको स परिवार बझाङमा कुल देउताको पुजा गर्न बझाङ पुग्नु भएको थियो ।

दुर्घटनामा घाइते भएकी मन्त्री सिंहकी श्रीमती अमृता देवी सिंह र भाउजु जया देवी सिंहको मंगलबार रायल प्राथमिक स्वास्थ्य केन्द्रमा उपचारका क्रममा मृत्यु भएको रायल प्राथमिक स्वाथ्य केन्द्रका मेडिकल अधिकृत डाक्टर अरविन्द अधिकारी बताए । सो गाडीमा सवार सिहँका बोडीगार्ड दिपक भण्डारी र चालक धर्मराजजोशि समेत गम्भिर घाईते भएका थिए ।

उनको उपचार कोहलपुर मेडीकल कलेजमा भै रहेको छ । त्यहाँ बाट उनलाई थप उपचारका लागी काठमान्डौ लगिने तयारी भएको जिल्ला प्रहरी कार्यालय बझाङले जनाएको छ ।

मन्त्री सहितका तीनै जनाको दाहसंस्कार भने ९ गते शनिबार बझाङमा गरिने कार्यक्रम रहेको उनका परिवारका सदस्य डम्मरबहादुर सिहँले बताए । उनका कान्छा छोरा विदेश जानु भएको र उनलाई आउन पर्खीनु पर्ने भएका कारण शनिबार अन्तिम दाहसंस्कार गरीने सिहँले बताए । मन्त्री सिंहको असामयिक निधनको शोकमा आज (बुधबार) सुदूर पश्चिम सरकारले प्रदेशभर सार्वजनिक विदा दिएको छ ।