धनगढी- सुदूरपश्चिम प्रदेशका आन्तरिक मामिला तथा कानुन मन्त्री डा।रणबहादुर रावलले प्रदेशको कैलाली र कञ्चनपुरमा सबै भन्दा बढी अपराधका घट्ना हुने गरेको बताएका छन् । धनगढीमा सोमबार संचालित प्रदेश स्तरीय अपराध अनुसन्धान समीक्षा गोष्ठीमा मन्त्री रावलले भने अपराधका घट्ना बढनुमा मुख्य कारण भनेको लागु औषधले गर्दा बढेको उनले बताएका छन् ।
अरुको सुरक्षा गर्ने नेपाल प्रहरी तर नेपाल प्रहरी आफू सुरक्षित नभएको आफूले आभास गरेको बताए । प्रहरीसंग बस्न लायक राम्रो भवन नभएको उनको भनाइ छ । ‘प्रदेश प्रहरी कार्यालयको भवन निर्माणमा लागि २७ करोड रुपैया बजेट समेत विनियोजन गरेको छु,’मन्त्री राववले भने,‘ जिल्लाका सबै ठाउँहरुमा इलाका प्रहरी कार्यालय, प्रहरी चौकीका भवन निर्माणका लागि बजेट विनियोजन गरिसके ।’
उनले प्रहरीहरुले पहिले आफू सुरक्षित रहनुपर्ने बताए । उनले आफ्नो प्रदेश भित्र रहेका सम्पूर्ण ईलाका प्रहरी कार्यालय, प्रहरी चेक पोष्टहरु व्यवस्थित कार्यालय बनाउने प्रतिवद्धता गरे छन् । गत वर्ष १५० वटा सिसी क्यामेरा जडान गरिएको र यस वर्ष प्रदेशका सबै जिल्लामा सिसी क्यामेरा जडान गर्ने तयारी भए उनले बताए ।
विपद जोखिम न्यूनीकरणका लागि प्रदेशका जिल्ला सुरक्षा निकायलाई पाँच÷पाँच लाख रुपैयाँका दरले बजेट समेत विनियोजन गरिसकेको मन्त्री रावलले बताए ।
