बैतडी- बैतडीमा एक वर्षको अवधीमा साढे ४ हजार बढी सवारी साधान कारबाहीमा परेका छन् । सवारीसाधन चलाउँदा सवारी चालक अनुमति पत्र नभएका, सिट बेल्ट तथा हेलमेट नलगाउने, मादकपर्दाथ सेवन गरेका, क्षमता भन्दा धेरै यात्रु बोक्ने ,तीव्रगति लगायतका नेपाल सरकारले तोकेको सवारी नियम उल्लंघन गर्ने सवारी साधनहरु कारबाहीमा परेका हुन् ।
गत वर्षको बैशाख १ गतेदेखि चैत ३० गते सम्म ४ हजार ७ सय २३ सवारी साधन कारवाहीमा परेका जिल्ला ट्राफिक प्रहरी कार्यालय बैतडीका प्रमुख गंगादत्त पन्तले जानकारी दिए । बस, ट्रक, जिप,ट्याक्टर, मोटरसाइकल लगायतका सवारीसाधन कारबाहीमा परेका उनले बताए ।
ति सवारी साधनहरुबाट २५ लाख १ हजार राजस्व संकलन गरेको हो । ट्राफिक कार्यालय बैतडीले बैशाख महिनामा ३ सय १८ सवारीसाधनलाई कारबाही गरेर १ लाख ७६ हजार ५ सय राजस्व संकलन गरेको छ ।
यस्तै जेठमा ४ सय ६ सवारीसाधन कारबाहीमा परेका छन् भने २ लाख ३५ हजार राजस्व संकलन भएको छ । असारमा ५ सय ७८ कारबाही, ३ लाख १९ हजार पाँच सय राजस्व, साउनमा ४सय ३० कारबाही, २लाख ३२ हजार राजस्व,भदौमा ३ सय ८ कारबाही, १ लाख ६१ हजार ५ सय राजस्व, असोजमा ४४१ कारबाही,२ लाख ३३ हजार राजस्व र कात्तिक महिनामा ४सय ६८ सवारीसाधनलाई कारबाही गरेर २ लाख ४७ हजार राजस्व संकलन गरेको छ ।
यसैगरि मंसिर महिनामा ४ सय ४७ सवारी साधनबाट २ लाख ३४ हजार , पुसमा ३ सय सवारी साधनबाट १ लाख ९० हजार, माघमा २ सय ७४ सवारी साधनबाट १ लाख ४८ हजार र फागुनमा ३सय २८ सवारी साधनबाट १ लाख ७५ हजार ५ सय राजस्व संकलन भएको छ । चैत्र महिनामा ३सय ६१ सवारीसाधनलाई कारबाही गरेर १ लाख ८४ हजार राजस्व संकलन गरेको ट्राफिक प्रहरी कार्यालय बैतडीले जनाएको छ ।
बस, ट्रक, जिप,ट्याक्टर, मोटरसाइकल लगायतका सवारीसाधन कारबाहीमा परेका बताइएको छ । ट्राफिक प्रहरीको अहिले जिल्लाका चार ठाउँमा उपस्थिति छ । जिल्लाको साहिलेक, सतबाँझ, पाटन र खोड्पेमा ट्राफिक प्रहरीको उपस्थिति रहेको हो ।
