धनगढी । युनिक नेपाल लघु वित्त वित्तीय संस्था चौमाला शाखा बिपन्न बर्गका लागि बरदान सावित बन्न थालेको छ ।
समाजका विपन्न बर्गलाई समुहमा आबद्ध गराई कृषि ब्यवसाय आवद्ध गराउने उद्धेश्यले लगानी गर्न थालेपछि सो संस्था बदरदान साबित हुन थालेको हो ।
बिपन्न बर्गका व्यक्तिहरुलाई आत्मनिर्भर बनाउने उदेश्यले ब्यबसाय गर्ने ईच्छुकलाई संस्थाले लगानी गरेको शाखा प्रमुख हरि प्रशाद जोशीले निशाना न्युजलाई जानकारी दिए ।
२०७४ सालमा स्थापना भएको सो संस्थाले यो अवधिसम्ममा तीन सय ३१ समुह बनाई ३ करोड ८४ लाख लगानी गरेको उनले बताए ।
बिपन्नलाई आत्मनिर्भर बनाउने उद्धेश्यले संस्थाले कृषि ब्यबसायमा लगानी गरेको उनले बताए ।
एक हजार दुई सय सदस्य संस्थामा आबद्ध रहेको बताउँदै जोशीले भने आबद्ध सदस्यले ब्यबसाय गर्न चाहे रु. पाँच लाख सम्म ऋण दिने गरेका छौ ।

पहिला  ७ लाख सम्म ऋण दिने गरेको भएपनि अहिले परिमार्जन गरेर पाँच लाख सम्म दिने गरेको उनले बताए ।
कृषि बाहेक ब्यापार,घरजग्गा,साना तथा मझौला उद्योगमा पनि लगानी गर्ने गरेको उनको भनाई छ ।
कृषि बाहेका अन्य ब्यबसायमा लगानी गर्दा आम्दानीको स्रोत, सामुहिक दायित्व वहन हुने गरी ब्यबसायको आम्दानीस्तर परिवारका सदस्यको कामलाई हेरेर मात्र ऋण प्रवाह गर्ने गरिएको जोशीले बताए ।
संस्थाबाट ऋण लिएर ब्यबसाय संचालन गरेका ब्यक्तिहरु आत्मनिर्भर बनेको उल्लेख गर्दै उनले भने गौरीगंगा १ लठैयामा पुष्पा देबी बोहराले कुखुरा फार्म संचालन गरेर राम्रो आम्दानी गदै आउनु भएको छ ।
त्यस्तै राजीपुर खुरखुरियामा संस्थाले दिएको ऋणबाट सदस्यले मिल संचालन गरेर काम संचालन गरेका छन भने कतिपयले तरकारी खेतीबाट मनग्य आम्दानी पनि गरेको उनले बताए ।
कोरोना पछी हरेक क्षेत्रमा आर्थिक मन्दीका कारण ऋण असुलिमा कठिनाई भएको छ उनले भने ऋण लिएका सदस्यले समयमा दिन नसके ताकेता गर्ने गरेका छौ ।
कुनै सदस्यले तिर्न नसके माग अनुसार ऋण पुनरसंरचना गर्ने गरेको उनले बताए ।
सदस्यको श्रीमान वा श्रीमतीको मृत्यु भए काजकिरीयाका लागी ३० हजार रकम उपल्बध गराउने गरेको उनले बताए ।
आगलागी भए क्षतिको बिबरण संकलन गरेर राहत उपल्ब्ध गराउने गरेको पनि उनले बताए ।
दुर्घटनामा अंगभंग भय ऋण रकमको २ सय प्रतिशत सम्म बिमा सुबिधाको ब्यबस्था रहेको उनको भनाई छ ।
संस्थाले ऋणलिएका ब्यक्तिको मृत्यु भए ऋण मिनाह पनि गर्ने गरेको उनले बताए ।