धनगढी । कैलाली कारागारबाट भागेका एक जना फरार प्रतिवादी १२ वर्षपछि पक्राउ परेका छन् ।
पक्राउ पर्नेमा जिल्लाको साविक गोदावरी गाविस–५ हाल गोदावरी नगरपालिका–११ बस्ने ४८ वर्षीय देवसिंह ठकुरी भन्ने दिपकबहादुर सिंह रहेको जिल्ला प्रहरी कार्यालय कैलालीले जनाएको छ ।
निज सिंहलाई खोजतलास गर्दै जाँदा नेपाल भारत सीमानास्थित कञ्चनपुरको भीमदत्त नगरपालिका–१० गड्डा चौकीको एरियामा छ भन्ने गोप्य सूचनाको आधारमा पक्राउ गरिएको जनाइएको छ । जिल्ला प्रहरी कार्यालय कैलालीका अनुसार निज सिंह कर्तव्य ज्यान मुद्दामा जन्मकैदको सजाय भोगिरहेका बेला २०६९ साउन २२ गते कारागारबाट भागेर फरार रहेका थिए ।
