धनगढी- धनगढीमा एसइई आईडल २ प्रतियोगिता हुने भएको छ । प्रभात मिडिया एण्ड ईभेण्ट प्रालिको आयोजनामा आईडल प्रतियोगिता हुने भएको हो ।
विद्यालयस्तरका नृत्य तथा गायन प्रतिभा उजागर गर्ने उदेश्यका साथ प्रालिले आईडल २ गर्न लागेको धनगढीमा सोमबार पत्रकार सम्मेलनको आयोजना गरेर जानकारी दिएको छ । यस अघिका बर्ष प्रालिले हाजिर जवाफ प्रतियोगिता सम्पन्न गरेको थियो ।
आउने असार २ गते धनगढीको ओमपार्टी प्यालेसमा आयोजना हुने लागेको प्रतियोगितामा २० वटा नृत्य र १० वटा गायन रहने आईडलका संयोजक गुणाकर पनेरुले जानकारी दिए । आइडलको अडिसन पुष बाट सुरु भएको थियो ।
सुदूरपश्चिमका बझाङ र डोटी वाहेक सबै जिल्लामा २५ वटा अडिसन सम्पन्न गरेको संयोजक पनेरुले बताए । उनका अनुसार प्रतियोगितामा एसईइ डान्सिङ आईडलमा विजेतालाई ट्रफी सहित ५० हजार नगदको पुरुस्कारको व्यवस्था गरिएको छ ।
साथै सुदूरपश्चिमाञ्चल (एसपीए) क्याम्पसमा कक्षा ११ र १२ मा छात्रावृत्रि समेत पाईनेछ । यस्तै गरी डान्सिङ उपविजेताले ट्रफी सहित २५ हजार नगद पाउने छ । उपविजेताले पनि एसपीएमा छात्रावृत्रि पाउनेछ ।
त्यस्तै गरी एसईइ सिंगिङका विजेताले ट्रफी र नगद २० हजार र उपविजेताले ट्रफी र १० हजार नगद पाउने छन् । सिंगिङ विजेता र उप विजेतालाई पनि एसपीएमा कक्षा ११ र १२ मा छात्रावृत्रिका दिईने छ । प्रतिगोगितामा गत बर्ष एसइई दिन विद्यार्थीहरुको सहभागिता रहेको छ । एकल प्रतियोगितामा एकै विद्यालयका एक भन्दा बढी विद्यार्थीहरुको पनि सहभागिता रहेको छ ।
प्रतियोगिताको अडिसन राउण्डमा सहभागि हुने प्रतियोगि टोलिलाई कुनै पनि इन्ट्री शुल्क छैन । अडिसनमा सुदूरपश्चिमका १ सय २३ जनाले नृत्य र ४१ जनाले गायनमा भाग लिएका थिए ।
आयोजक प्रभात मिडिया प्रालिका अध्यक्ष प्रकाश छेडालका अनुसार असार २ गते हुने फाईनल अडिसनमा थप विभिन्न प्रस्तुति पनि रहने छन् । प्रतियोगितामा एसईइ दिएका विद्यार्थीहरुले प्रवेशपत्रको सक्कल साथमा ल्याए प्रतियोगिलाई निशुल्क भोट गर्न पाउनेछन् ।
