टंक कुवर
कैलाली । जिल्ला ट्राफिक कार्यालय कैलालीले ट्राफिक नियमको उल्लंघन गर्ने सवारी चालकका लागि क्लास लिन सुरु गरेको छ ।

प्रत्येक हप्ताको शुक्रवार आठ बजेदेखी नौ बजे सम्म त्यस्ता सवारी चालकलाई क्लास लिन सुरु गरेको हो ।

लेन अनुशासन पालना नगर्ने,तिर्बगती,मादक पदार्थ सेवन गरी सवारी साधन चलाउने, ट्राफिक नियमको पालना नगर्ने सवारी चालकका लागि क्लास लिन सुरु गरिएको प्रमुख प्रहरी निरीक्षक वीरेन्द्र सिंह जोहारीले जानकारी दिए ।

ट्राफिक साइनले देखाएको चिन्हको ध्यान दिन, जेब्राक्रसीङ्गले गरेका कुराहरूको ख्याल गरी गाडी चलाउन,साईडलाईट ,ग्लासको प्रयोग पछाडिका सवारी चालकलाई जानकारी गरी सडक क्रस गर्ने कुराहरू कलासको प्राथमिकता हुने गरेको उनले बताए ।

मोटर साइकलमा दुई जनाले अनिवार्य हेलमेटको प्रयोग गर्न तिन वा सो भन्दा बढी राखेर मोटरसाइकल नचलाउने जस्ता कुराहरुपनि कलासमा छलफल गरिने गरेको उनको भनाई छ ।

गोल घुम्तीमा सवारी चलाउँदा ध्यान दिनु पर्ने कुरा ,सडकमा तानिएका रेखाले सङ्केत गरेका विषय र लेन उल्घंनगरे कानुनले गरेका सजाएको कुराहरुमाा पनि सवारी चालक लाई जानकारी गराइने गरेको उनको भनाई छ ।

आकासे पुल भएको स्थानमा पैदल यात्रीले सडक क्रस नगर्ने, स्कुल र बढी भिडभाड हुने क्षेत्रमा सवारी साधनलाई तिर्बगतीमा नगुडाउने ,मोटरसाइकल अन्यबस्तुहरुको ओसार नगर्ने, क्षमता बढी बस्तु बोक्ने सवारी साधनलाई गरिने कारबाही कुराहरू पनि कलासमा जानकारी गराइने गरेको प्रहरी निरीक्षक जोहारी ले बताए ।

कैलालीमा दैनिक ८० दुर्घटना हुने गरेको र सबै भन्दा बढी मादक पदार्थ सेवन गरेर भएको उनले बताए ।दुर्घटना न्यूनीकरण क्लास र जनचेतना बाट मात्र हुने उनको भनाई छ ।

अभियान लाई सबै मिलेर सार्थक र प्रभावकारी बनाउन समेत उनले अनुरोध गरे ।कैलालीमा ट्राफिक नियम सम्बन्धीको कलासमा हालसम्म एक हजार ६ सय भन्दा बढी सवारी चालकले सहभागी जनाई सकिएको उनले बताए । क्लास लिन सुरु पछि दुर्घटना र मृत्यु क्रमशः घट्दै गएको उनले बताए ।