बाजुरा- अविरल वर्षाले बाजुराको बेतालमाण्डौ देखी खप्तड छेडेदह गाउँपालिको केन्द्र जोड्ने सडक खण्ड अवरुद्ध भएको छ । शुक्रवार राति आएको अविरल वर्षाले सडक अवरुद्ध हुँदा खप्तड छेडेदह गाउँपालिकाका स्थानीयलाई पालिका बाहिर आउजाउ गर्न समस्या भएको छ ।
सडक खण्ड अवरुद्ध भएसँगै बेतालमाडौ बजार तथा उपचारका लागि अछामको बयलपाटा जानका लागि समस्या भएको छ । साथै सडकसँगै खप्तड छेडेदह ३ का विभिन्न गाउँका नहरहरू समेत बगाएको छ ।
अविरल वर्षासँगै आएको पहिरोले वडा नम्बर ३ पुँडावालामा करिब २० लाखभन्दा बढीको लागतमा भर्खरै निर्माण गरिएको नहर क्षेदविक्षेद भएको स्थानीय गोपाल बुढाले बताएका छन । गएको आर्थिक वर्षमै निर्माण सम्पन्न नहर एकै हिजो एकै राति पहिराले बगाई दियो बुढाले बताए ।
त्यस्तै बेतालमाडौ हुँदै खप्तड छेडेदह गाउँपालिकाको केन्द्र जोड्ने सडक खण्डको मालझुली बजार नजिकै पल्टेढ्ङगामा माथिबाट आएको पहिरोले अवरुद्ध गरेको स्थानीय बुढाको बताए ।
वर्षाले क्षेदविक्षेद गरेको नहर र अवरुद्ध सडक तत्काल सुचारु गर्न वडा तथा गाउँपालिकाले ध्यान दिनुपर्ने स्थानीय नरेश धामीले बताए । बर्षात सुरु भएसँगै वडाका सबैजसो टोलहरू पहिरोको उच्च जोखिममा परेका छन ।
वडाका धनाल्त, टुनिसैन, धुर्तोला लगायतका बस्तीका नागरिकहरू निरन्तर वर्षा सुरुभएपछि झनै त्रसित बनेका छन । सो वडाका सम्पूर्ण टोलहरूमा भर्खरै डोजर लगाएर सडकहरू निर्माण गरिएकाले अहिलेको बर्षायाममा पहिरोको जोखिममा परेका छन ।
यसरी लगातारको अविरल वर्षाले गाउँपालिकाका ठाउँ ठाउँमा सडक अवरुद्ध हुनुका साथै जमिनसमेत बगाइसकेको स्थानीयहरूले बताएका छन । त्यस्तै अविरल वर्षाले गाउँपालिकाको वडा नम्बर २ पिपल गाउँमा पनि दर्जनौँ घर पहिरोको उच्च जोखिममा परेका त्यहाँका स्थानीयहरूले बताएका छन ।
यस विषयमा खप्तड छेडेदह गाउँपालिका ३ का कार्यवाहक वडा अध्यक्ष मन बहादुर धामीले भने वडा अध्यक्ष काम विशेषले बाहिर रहेकाले उहाँ आइपुगे पछि त्यहाँको सडक सुचारु गर्ने लगायतका विषयमा छलफल गरिने बताएका छन ।
