काठमाडौँ– अर्थमन्त्री जनार्दन शर्मामाथि छानबिनका लागि बनेको संसदीय छानबिन समितिले शुक्रवार प्रतिवेदन बुझाउने तयारी गरेको छ । सिंहदरबारमा बुधवार बसेको समिति बैठकले प्रतिवेदन लेखनका बारेमा छलफल गरेको र बिहीबार प्रतिवेदनलाई अन्तिम रूप दिएर शुक्रवार बुझाउने तयारी गरेको समिति सभापति सुरेन्द्र अर्यालले बताए ।
उनले औपचारिक र अनौपचारिक रूपमा समितिले छानबिनका विषयमा छलफल गरेर समान धारणा बनाउने दाबी गरे । छलफलका क्रममा आएका फरक मतमा समेत सहमति खोजिने उनको भनाई छ । सचिव अर्यालले बिहीबार साढे १२ बजे पुनः बैठक बस्ने जानकारी दिए ।
