धनगढी- सेती प्रादेशिक अस्पतालको एम्बुलेन्स दुर्घटना भएको छ। सुदूरपश्चिम प्रदेश ०१००१० प २५७२ नम्बरको मोटरसाइकल र बा १ झ ८७९९ नम्बरको सेती प्रादेशिक अस्पतालको एम्बुलेन्स बिहीबार बिहान एक आपसमा ठोकिदा दुर्घटना भएको हो।
एम्बुलेन्सको ठक्करबाट मोटरसाइकल चालक मोहन्याल गाउँपालिका वडा नम्बर १ बसन्तगडाका २५ वर्षीय गणेश घर्तिमगर घाइते भएको प्रहरीले जनाएको छ।
अस्पतालको एम्बुलेन्स बिरामी बोकेर नेपालगन्ज जाँदै गर्दा बर्दगोरिया गाउँपालिका वडा नम्बर २ बौनिया गाउँ नजिक महेन्द्रराजमार्गमा दुर्घटना भएको प्रहरीले जनाएको छ।
घाइते मगरको बर्दगोरिया अस्पतालमा उपचार भइरहेको इलाका प्रहरी कार्यालय बौनियाका वरिष्ठ प्रहरी नायव निरीक्षक राजु शाहले बताए। एम्बुलेन्स र एम्बुलेन्स चालक गोविन्द प्रसाद दहाल बौनिया प्रहरीको नियन्त्रणमा रहेका छन्।
