धनगढी– कैलालीमा व्यावसायिक फर्म तथा व्यापार केन्द्रहरू बन्द हुने क्रम बढेको छ । वाणिज्य, आपूर्ति तथा उपभोक्ता संरक्षण कार्यालय कैलालीका अनुसार जिल्लामा व्यापारिक केन्द्र बन्द हुने क्रम बढेको छ भने दर्ता हुने क्रम घटेको छ । चालु आर्थिक वर्षको हालसम्म तीन सय ९७ वटा फर्महरू दर्ता हुँदा दुई सय १५ वटा फर्मको दर्ता खारेजी भइसकेको कार्यालय प्रमुख सुरेश जैशीले बताए ।

यो वर्ष दर्ता भएका फर्ममध्ये ५४ प्रतिशत खारेज भैसकेका छन् । उनले दर्ता खारेज गर्नुको कारण खारेजी फारममा उल्लेख गर्नु नपर्ने भए पनि दर्ता खारेज गर्न आउने व्यवसायीहरूले व्यवसायमा कमी आएको, विदेश गइरहेको जस्ता कारणहरू बताउने गरेको जानकारी दिए । उनले दर्ता खारेज गर्नेमध्ये केहीले मात्रै व्यापार वृद्धि भई कम्पनीमा जान वाणिज्य कार्यालयको दर्ता खारेज गर्न आएको बताउने गरेको आफूसँग भन्ने गरेको बताए ।

विगतमा वार्षिक दुईदेखि तीन हजारसम्म फर्महरू दर्ता हुँदै आएकोमा दर्ता हुने फर्मको संख्या घटेर एक हजारको नजिक पुगेको छ । गत आर्थिक वर्ष २०७९/८० मा एक हजार एक सय १३ फर्म दर्ता हुँदा तीन ९७ फर्मको दर्ता खारेज गरिएको छ । यो वर्ष दर्ता भएको फर्मको आधारमा करिब ३६ प्रतिशत फर्म खारेज भएको छ । आर्थिक वर्ष २०७८/७९ मा दुई हजार ९९ फर्म दर्ता हुँदा चार सय आठ वटा फर्मको दर्ता खारेज गरिएको थियो ।

२०७७र७८ मा दुई हजार पाँच सय ३० फर्म दर्ता हुँदा चार सय ५१ फर्मको दर्ता खारेज गरिएको थियो । यी वर्षहरूमा क्रमशः साढे १९ र करिब १८ प्रतिशत फर्मको दर्ता खारेज भएको तथ्याकंले देखाएको छ । कैलालीमा हालसम्म २८ हजार चार ७३ फर्महरूको दर्ता कायम रहेको कार्यालयले जनाएको छ । आर्थिक मन्दी र बैंकहरूले वृद्धि गरेको ब्याजको कारण व्यापार व्यवसायमा ह्रास आएको व्यवसायीहरूले बताएका छन् ।

उद्योग वाणिज्य महासंघका प्रदेश अध्यक्ष शंकर बोगटीले व्यापारीहरू व्यापारमा घाटा बेहोर्नुपर्ने अवस्था आएपछि व्यापार बन्द गरेर विदेश पलायन हुन थालेको बताउँछन् । निरन्तर व्यापारमा आएको गिरावटको कारण व्यापारिक फर्महरू बन्द हुन थालेपछि धनगढी बजारका कतिपय सटरहरू बन्द देखिन थालेका छन् । कतिपय सटरमा ‘सटर भाडामा छ’, ‘टु लेट’ जस्ता शब्दहरू लेखेर घरबेटीको मोबाइल नम्बर लेखेको ब्यानर, तुल, पर्चा टाँसिएको देखिन्छ । त्यसरी लेखिएका सटरहरू समेत महिनौंदेखि भाडामा लाग्न सकेका छैनन् ।

दिनप्रति दिन सामान महँगिदै गएपछि ग्राहकहरूले सामान किन्न कम गरेका छन् । व्यापार नभएपछि व्यापारीहरूले व्यवसाय बन्द गर्नुपर्ने अवस्था आएको कैलाली उद्योग वाणिज्य संघका सदस्य रुपेश खड्काले बताए । व्यापार व्यवसाय खस्किँदो अवस्थामा रहे पनि उकास्ने योजना सरकारसँग छैन । आयातमा आधारित बजार रहेको हुनाले पनि सरकारले महँगी नियन्त्रण गर्न सकिरहेको छैन । महासंघका अध्यक्ष बोगटीले ट्रेडिङ बिजनेस भन्दा स्थानीय उत्पादनमूलक बिजनेसमा लगानी गर्न आवश्यक रहेको बताए । कारोबारबाट