धनगढी- कैलालीमा ‘श्री कलेज धनगढी कप फुटबल प्रतियोगिता –२०८०’ हुने भएको छ । लिटल फ्लावर स्पोर्टस क्लब धनगढीको आयोजनामा फुटबल प्रतियोगिता हुन लागेको हो । आयोजक क्लवले बुधबार पत्रकार सम्मेलन गर्दै आगमी फागुन ५ गतेदेखि १२ गतेसम्म धनगढी रंगरालामा प्रतियोगिता हुने जनाएको छ ।
प्रतियोगितामा कक्षा १२ सम्म सञ्चालित विद्यालय र कलेजहरुले सहभागिता जनाउन पाउने तथा १६ टिमको सहभागितामा रहने लिटल फ्लावर स्पोर्टस क्लवका अध्यक्ष रामचन्द्र शाहीले जानकारी दिए ।
धनगढीलाई स्पोर्ट सिटी बनाउने अभियानलाई बल पु¥याउन यो प्रतियोगिता आयोजना गर्न लागिएको उनले बताए । उनले भने ‘यस प्रतियोगिताले विद्यालय तहमा लुकेर रहेका प्रतिभावान फुटबल खेलाडीहरुलाई ल्याउने अपेक्षा समेत गरिएको छ ।’
उनका अनुसार प्रतियोगितामा बिजेताले नगद रु। ५० हजार, उपबिजेताले नगद रु २५ हजार प्राप्त गर्ने छन् भने सर्वोत्कृष्ट खेलाडीले नगद रु ६ हजार,उत्कृष्ट गोलकिपरले नगद रु ३ हजार प्राप्त गर्नेछन् । त्यस्तै उदयमान खेलाडीले नगद रु ३ हजार र प्रत्येक खेलको प्लेयर अफ द म्याचले नगद रु। ५ सय मेडल, ट्रफि र प्रमाण पत्र प्राप्त गर्ने जनाइएको छ ।
त्यस्तै प्रतियोगितामा कुल ११ लाख खर्च हुने अनुमान गरिएको र प्रतियोगितालाई श्री कलेज अफ मेनेजमेन्ट आलोक नगर नयाँबानेश्वर काठमाण्डौँले मुख्य प्रायोजन गरेको आयोजकले जनाएको छ ।
त्यस्तै प्रर्वद्धकमा वल्र्डभिजन इंन्टरनेशलन नेपाल, प्रायोजनमा वाईवाईको पार्वड बाई, लिटल फ्लावर बोर्डिङ्ग हाइस्कूल, अमेरिका बस्ने युवा समाजसेवी बिनोद शाही तथा डेरी पार्टनरमा कामीक्षा देवी डेरी धनगढी रहेको जनाइएको छ ।
यसैगरी व्यानर प्रायोजकमा हिमशिखर बुक्स एण्ड सप्लायसर्, हाम्रो डेरी हाम्रो बेकरी, शुभम होटल, नवजीवन अस्पताल र यादब फेन्सी स्टोर रहेको आयोजकले जनाएको छ ।
