कैलाली- नेपाल विद्युत प्राधिकरण धनगढी वितरण केन्द्रले चालु र्आिर्थक वर्षमा मात्र एक अर्ब १० करोड २३ लाख ६३ हजार ९५१ रुपैयाँ ६४ पैसा राजश्व असुली गरेको छ । एक अर्ब १० करोड ५२ लाख ५० हजार ९२३ रुपैयाँ ७४ पैसाको विद्युत बिक्री गर्दा सो राजश्व रकम असुल गरेको हो ।
चालु आर्थिक वर्षको बक्यौता रकम १६ करोड ३९ लाख ५६ हजार ६६४ रुपैयाँ ६ पैसा रहेको धनगढी वितरण केन्द्रका प्रमुख मिथिलेस कुमार गोहीवारले निशाना न्युज लाई जानकारी दिए । गत आर्थिक वर्षको बक्यौता रकम १५ करोड १० लाख ६९ हजार ६९१ रुपैयाँ ९६ पैसा रहेको उनले बताए ।
लामो समय देखि बिधुत महसुल नतिर्ने ग्राहकको बिधुत लाईन काट्ने प्रक्रिया भइरहेको धनगढी विद्युत वितरण केन्द्रका लेखा प्रमुख विनोद ढकालले बताए । हामीले विद्युत तिर्न आग्रह गर्छौ यदि तिर्न अटेर गर्ने ग्राहकलाई चेतावनी स्वरूप विद्युत लाईन काट्ने गरिएको उनले बताए ।
धनगढी वितरण केन्द्रमा ७८ हजार ग्राहक रहेको केन्द्रका प्रमुख गोहीवारले बताए ।कहिले टेक्निकल समस्या आयो लाईन बिस्तार गर्नु पर्ने नयाँ ट्रान्सफर्मर राख्नु पर्ने अवस्थामा विद्युत जाने आउने गरिन्छ नभए विद्युत सप्लाइ निरन्तर हुने गरेको उनको भनाई छ । अहिले बजारको सडक बिस्तारले पनि विद्युतमा डिस्टर्ब भइरहेको छ उनले भने सडक पुर्णरुपमा बिस्तार भए विद्युतको समस्या हल हुने उनले बताए ।
उनले विद्युत चुहावटको समस्या नरहेको र आफू आइसकेपछि दुई ठाउँमा भएको र सूचना पाउदा साथ हटाइएको बताए ।
अहिले चुहावटको समस्या छैन जानकारी हुना साथ त्यस्ता व्यक्ती लाई पक्राउ गरी आवश्यक कारबाही गरिने उनको भनाई छ ।
