कैलाली- कञ्चनपुर जिल्लाका ४७ प्राकृतिक ताल मध्य २६ मा कृषक समूहले सामुहिक माछापालन व्यवसाय सुरु गरेको छ ।
सरकारी स्वामित्वमा रहेका सो तालहरुमा घरखर्च टार्न र बालबच्चाको पढाई लेखाईमा सहजताका लागि समूहले पाछापालन व्यवसाय सुरु गरेको हो ।
साढे ४ हेक्टरमा फैलिएको कालिका ९ स्थित गंगाला तालमा प्रतिभा मत्स्यपालन समुहले व्यवसाय सुरु गरेको कृषि ज्ञान केन्द्र कञ्चनपुरका सूचना अधिकृत हरिदत्त जोशीले निशाना न्युजलाई जानकारी दिए ।
त्यस्तै कंकड,नैनी, मरखप्टा, कमलफुले,तिनखण्डे, नर्सरी ,सुरक्या, वन्दा स्यानो, पुरैना,अजिंगरल्वाङ्खरा, बन्तरिया,शोभा,बन्दा ठुलो, गुडरीया, कुटाह, मटकरी ,महाकालि (क),महाकाली (ख), शान्ती माविमुरका,पुरैना (ख),स्याली,चकिया कुण्डा झिनझरे तालमा कृषक समुहले माछापालन व्यवसाय सुरु गरेको उनले बताए ।
तालहरुमा गरिएको सामुहिक माछापालनले स्वरोजगार बनाएको कृषक बताउछन ।
