टंक कुँवर
धनगढी । बाणिज्य आपुर्ति तथा उपभोक्ता संरक्षण कार्यालय धनगढीले चालु आर्थिक बर्षमा ३३ लाख ४६ हजार ८६५ राजश्व असुली गरेको छ ।
आयात निर्यातका फर्म, प्राइभेट, साझेदारीको फर्म दर्ता, नबिकरण र अनुगमन गर्ने क्रममा कार्बाहीमा परेका फर्मबाट सो राजस्व असुली भएको हो ।
कार्यालयमा दर्ता भएका व्यावसायिक फर्म २८ हजार ८१४ मध्ये २३ हजार ६७६ फर्म घरेलु कार्यालयलाई हस्तान्तर गरे पश्ताच राजश्व असुलीमा कमी आएको बाणिज्य आपुर्ति तथा उपभोक्ता संरक्षण कार्यालय धनगढीका निमित्त कार्यालय प्रमुख सुरेशप्रसाद जैशीले निशाना न्युजलाई जानकारी दिए । घरेलु कार्यालयलाई हस्तान्तरण नगरिनु पूर्ब ६५ लाख राजश्व असुली हुने गरेको उनले बताए । ५ हजार २०९ फर्म खारेजीमा परेका छन् भने अब बाणिज्य कार्यालयमा भारत, देखी तेस्रो मुलुकबाट आयात, निर्यात सम्बन्धी काम गर्ने ८७१ र साझेदारीका २३६ फर्म दर्ता रहेको उनको भनाई छ ।
५२१ पसल तथा उद्योगमा अनुगमन
बाणिज्य तथा आपुर्ति तथा उपभोक्ता संरक्षण कार्यालय धनगढीले चालु आ.ब. मा ५२१ पसल तथा उद्योगमा अनुगमन गरेको छ । कार्यालयले उपभोक्ता संरक्षण ऐन २०७५ लाई टेकेर बजारको अनुगम गर्ने गरिएको कार्यालय प्रमुख जैशीलेले बताए ।
अनुगमनको क्रममा १४३ पसल सामान्य अबस्थामा भेटिए भने ३३८ फर्मलाई लिखित निर्देशन दिएर सुधार गर्न भनेको उनले बताए ।
१४ फर्मलाई भने कार्यालयमै बोलाएर स्पटीकरण सोधीएको उनले बताए ।
७ फर्मलाई २ लाख ३१ हजार जरिवाना गरिएको उनले बताए । अनुगमनको क्रममा बस्तुको मुल्य निर्धारण गरेको भन्दा माथी रकम लिएको पाइएमा म्याद गुज्रेको सामान बेचेमा र अखाध्य बस्तु बेचेको पाइएमा त्यस्ता फर्महरुलाई कारबाही गरिने गरेको उनको भनाइ छ ।
