धनगढी- उद्योग,वाणिज्य तथा आपूर्ति मन्त्री दामोदर भण्डारीले श्रमाधान रोजगार मेलाले रोजगारी सिर्जनामा योगदान पु¥याउने बताएका छन् । श्रम,रोजगार तथा सामाजिक सुरक्षा मन्त्रालय,सुदूरपश्चिमको सामाजिक विकास मन्त्रालय र धनगढी उपमहानगरपालिकाको सँयुक्त आयोजनामा धनगढीमा आयोजित दुई दिने श्रमाधान रोजगार मेलाको आइतबार उद्घाटन समारोहमा बोल्दै मन्त्री भण्डारी यस्तो बताएका हुन् ।
उनले मेलाले रोजगारी खोज्नेका लागि,रोजगारदाता र रोजगार सम्भाव्यतासँग जोड्न जागिर खोज्नेको सीप बढाइ रोजगारीका अवसरमा समाहित गराउने विश्वास व्यक्त गरे । उनले भने ‘उद्योगहरुको प्रवद्र्धन,रोजगारका अवसरलाई बढवा दिएर नेपालको समग्र आर्थिक बृद्धिमा योगदान दिने लगायतका उदेश्य राखेर श्रमाधान रोजगार मेलाको आयोजना गरिएको छ । यो श्रम मन्त्रालयको महत्वपूर्ण सुरुवात हो ।’
उनले भने ‘श्रमाधान रोजगार मेलाबाट स्वदेशी रोजगारी सिर्जना गराइ महत्वपूर्ण भूमिका निर्वाह गर्न आवश्यक छ ।’ उनले रोजगारी प्रबद्र्धनको महत्वपूर्ण अंगको रुपमा रहेको औधोगिक क्षेत्रको समग्र वातावरण सुधार गर्न सम्बन्धित कानुनमा आवश्यक परिमार्जन आवश्यक रहेको समेत औल्याए ।
सरकारले स्वदेशी तथा विदेशी लगानी भित्र्याउन,सञ्चालन गर्न लगानी सम्मेलन समेत सम्पन्न गरेको उनले बताए । नेपाली उत्पादनको उपभोग गरी रोजगारी अभिबृद्धि गर्न प्रधानमन्त्री नेपाली उत्पादन उपभोग अभिबृद्धि कार्यक्रमका साथै प्रधानमन्त्री कृषि आधुनिकीकरण र प्रधानमन्त्री रोजगार कार्यक्रम समेत सञ्चालनमा रहेको उनले बताए ।
