धनगढी । कैलालीबाट भन्सार छलीका सामान बरामद गरिएको छ ।
जिल्लाको धनगढी उपमहानगरपालिका–३ ट्राफिक चौराहा, वडा नं–१९ खेदाघाट, टीकापुर नगरपालिका–४ अस्नेहरी, भजनी नगरपालिका–६ काँडा, कैलारी गाउँपालिका–५ गोबरेला र जानकी गाउँपालिका–४ झोलुंगे पुलबाट अवैध रुपमा भारतबाट भन्सार छली गरि ल्याएका अन्दाजी रु २ लाख ६४ हजार ७९५ बराबरको सामन बरामद गरिएको हो ।
उक्त मूल्यका प्याज, चिनी, बदाम, सोडा, खानेतेल, अगरबत्ती, बिडी, सुर्ती, टेन्ट, प्लाष्टिक झिल्ली, औंठीमा लगाउने पत्थर, सिद्रा माछा लगायतका सामान जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको सुदूरपश्चिम प्रदेश प्रहरी कार्यालयले जनाएको छ ।
