धनगढी । नेकपा (माओवादी केन्द्र) केआईसिंह गाउँपालिका कमिटी डोटीले जनयुद्ध दिवस मनाएको छ ।
गाउँपालिका कमिटीले बिहीबार वायलमा ३०औं जनयुद्ध शुभकामना आदानप्रदान गरी मनाएको हो ।
नेकपा (माओवादी केन्द्र) सुदूरपश्चिम प्रदेश सह-सचिव केशवनाथ योगीको प्रमुख आतिथ्यतामा भएको कार्यक्रम सम्पन्न भएको थियो ।
कार्यक्रममा बोल्दै सह-सचिव योगीले जनयुद्धका कारण देशमा धेरै ठूला उपलब्धि भएको बताए ।
उनले संविधान सभा मार्फत संविधान निर्माण,महिला तथा पीछडिएका वर्गहरुको समानुपातिक प्रतिनिधित्व,दलित जनजाति पीछडिएका समुदायलाई आरक्षणको व्यवस्था हुनु जनयुद्धको उपलब्धि भएको बताए ।
उनले जनयुद्धकै जगमा राजतन्त्रात्मक व्यवस्थाको अन्त्य र गणतन्त्रको स्थापना भएको बताए । उनले भने “जनयुद्धका कारण देशमा भएका उपलब्धिहरुलाई नजर अन्दाज गर्नु सूर्यको प्रकाशलाई हत्केलाले छेक्नु सरह हो ।”
कार्यक्रममा पार्टीका गाउँपालिका इन्चार्ज मीनबहादुर मलासी,निवर्तमान गाउँपालिका कमिटी अध्यक्ष दिलीप कठायतले मन्तव्य व्यक्त गरेका थिए ।
गाउँ कमिटी अध्यक्ष नरेश बलायरको अध्यक्षतामा भएको कार्यक्रममा उपाध्यक्ष डवल तिरुवाले स्वागत मन्तव्य राखेका थिए ।
