धनगढी । जिल्ला प्रहरी कार्यालय कैलालीले ३० लाख ८० हजारका गाडीसहित नौ वटा मोटरसाइकल भन्सार पठाएको छ ।
धनगढी उपमहानगरपालिका–७ बाट बागमती प्रदेश ०१–०३१ च २७२६ नम्बरको चोरीको स्कारपियो प्रहरीले नियन्त्रणमा लिएको थियो । जिल्ला प्रहरी कार्यालय, कैलालीको टोलीले नियन्त्रणमा लिएको गाडीको मूल्य २० लाख राखिएको छ ।
प्रहरीले १० लाख ८० हजार मूल्यका अन्य नौ वटा मोटरसाइकल पनि भन्सार कार्यालय कैलालीमा बुझाएको छ ।
धनगढी उपमहानगरपालिका–९ बाट भारतीय नम्बर युपी १४ एफडब्लु ३५८१, बा ९० प २३४०, बा ९७ प ५०४६, से ६ प ९३२७, सुदूरपश्चिम प्रदेश ०१–०११ प १६८७, से १ प ७४११, से २ प ३७३३, बागमती प्रदेश ०२–०२० प ७९४ र सुदूरपश्चिम प्रदेश ०१–०१० प ८५६६ नम्बरका मोटरसाइकल भन्सार कार्यालयको जिम्मा लगाइएको जिल्ला प्रहरी कार्यालय कैलालीले जनाएको छ ।
