आलिताल (डडेल्धुरा) । नेकपा (माओवादी केन्द्र)का उपमहासचिव एवं सुदूरपश्चिम प्रदेश इन्चार्ज गिरिराजमणि पोखरेलले अहिलेको सरकार भ्रष्टाचारीलाई जोगाउन बनेको बताएका छ्न ।
प्रेस सेन्टर नेपाल सुदूरपश्चिम प्रदेशको डडेलधुराको आलितालमा आज आयोजित तेस्रो अधिवेशनको उद्घाटन कार्यक्रममा बोल्दै उनले यस्तो बताएका हुन् ।
उनले भने ‘कांग्रेस एमालेले संविधान संशोधनको बहान बनाएर भ्रष्टाचारीलाई जोगाउन गठबन्धन गरेको हो ।’
माओवादी केन्द्रका अध्यक्ष पुष्पकमल दाहाल नेतृत्वको सरकारले सुशासनको पक्षमा काम गर्दा कांग्रेस एमालेले आत्तिएर सरकार ढालेको उनले बताए ।
त्यस्तै,कार्यक्रममा बोल्दै उनले हिजोको जस्तो कोणले पत्रकारिता नचल्ने बताए । उनले सूचना मात्रै नभएर दृष्टिकोण पनि हुनुपर्ने बताए ।
समाजमा अराजकता पनि व्याप्त रहेको बताउँदै उनले यो बेलामा ठीक ढंगले कलम नचलाए पत्रकारिताको अर्थ नहुने बताए ।
पत्रकारिता जोखिमको यात्रा समेत भएको उनले बताए । अधिवेशनले नयाँ नेतृत्व चयन गर्ने छ ।
