धनगढी । कैलालीमा सर्पले डस्दा पाँच वर्षीय बालकको मृत्यु भएको छ।
जिल्लाको टीकापुर नगरपालिका–१ एकतानगरका निरज विकका पाँच वर्षीय छोरा लोकेशको सोमबार सर्पको टोकाईबाट मृत्यु भएको प्रहरीले जनाएको छ।
प्रहरीअनुसार घरको आगनमा खेलिरहेको अवस्थामा सर्पले बायाँ खुट्टामा टोकेर गम्भीर घाइते भएका लोकेशको उपचारका क्रममा टीकापुर अस्पतालमा मृत्यु भएको हो । उनको शव परीक्षणका लागि टीकापुर अस्पतालमै राखिएको छ।
