धनगढी । कञ्चनपुरबाट भन्सार छलीका सामान बरामद गरिएको छ ।
जिल्लाको भीमदत्त नगरपालिका–११ भुजेला, दोधारा चाँदनी नगरपालिका–१ चारलाईन पक्की पुल र वडा नं.–७ कञ्चभोजबाट अवैध रुपमा भारतबाट भन्सार छली गरि ल्याएका रु २ लाख ५६ हजार ९७५ मूल्य बराबरको सामान बरामद गरिएको प्रहरीले जनाएको छ ।
उक्त मूल्यको प्याज, चिनी, मिश्री, थान कपडा, हरियो खुर्सानी, कस्मेटिक, हाडवेयर, किराना लगायतका सामान जिल्ला प्रहरी कार्यालय कञ्चनपुरबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको जनाइएको छ।
