धनगढी । मानवसेवा आश्रमले धनगढीमा सुरू गरेकाे महायज्ञमा शनिबार एकजना मनकारी दाताले आफ्नाे वृद्धभत्ताकाे रकम दान गरेका छन् ।
धनगढी उपमहानगरपालिका-१६,का नन्दलाल जैशीले साढे २७ महिनाकाे वृद्धभत्ताकाे रकम जम्मा गरेर १ लाख १० हजार रूपैयाँ भवन निर्माणकाे लागि महायज्ञमा दान गरेका हुन् ।
जैशीले गरेको सहयाेगले आश्रमलाई थप हौसला र प्रेरणा मिल्नुका साथै भवन निर्माण सेवामा थप मद्दत पुगेकाे आश्रमले जनाएको छ । मानवसेवा आश्रमले धनगढी शाखाको भवन निर्माण गर्ने उद्देश्यले महायज्ञकाे आयाेजना गरेकाे हाे ।
धनगढी उपमहानगरपालिका-१ पशुपति टोलस्थित महोत्सव स्थलमा यही माघ २३ गतेदेखि सुरू भएकाे महायज्ञ माघ ३० गतेसम्म सञ्चालन हुने आश्रमले जनाएकाे छ ।
