धनगढी । कैलालीमा एक घरमा आगलागी हुँदा आठ लाख बराबरको क्षति भएको छ । जिल्लाको घोडाघोडी नगरपालिका–४ जनकपुर बस्ने खुसिराम चौधरीको घरमा आइतबार आगलागी भएको हो ।
चौधरीको काठ र माटोले बनेको जस्ता पाताले छाएको एक तले चार कोठे घरको भान्सामा बालेको आगोबाट आगलागी हुँदा १ वटा बाख्राको जलेर मृत्यु भएको र घर भित्र रहेका रहेका नगद, अन्नपात, लत्ता कपडा, खाद्यान्न लगायतका सामानहरु गरी अन्दाजी रु आठ लाख बराबरको धनमाल जलेर नष्ट भएको सुदूरपश्चिम प्रदेश प्रहरी कार्यालय धनगढीले जनाएको छ ।
आगलागीबाट मानवीय क्षति नभएको तथा स्थानीय, प्रहरी र दमकलको सहयोगमा आगलागी नियन्त्रणमा आएको प्रहरीले जनाएको छ ।
