धनगढी- सुदूरपश्चिम प्रदेशमा आज (मङ्गलबार) राष्ट्रिय महिला दिवस मनाइएको छ । गत विगतका वर्षहरूमा स्थानीय तह, लगायत संघ संस्थाले मनाउँदै आएको भए पनि यस वर्ष भने सुदूरपश्चिम प्रदेशको सामाजिक विकास मन्त्रालयले प्रदेशमा पहिलो पटक महिला अधिकार दिवस मनाएको हो ।
दिवसको अवसरमा अन्तरक्रिया कार्यक्रममा सहभागी सरोकारवालाहरूले महिलाहरूका विषयमा नीति निर्माणका बनेको भए पनि प्रभावकारी कार्यान्वयन नहुँदा समस्या भइरहेको बताएका छन् । महिला हिंसा विरुद्ध कानुनको कार्यान्वयन पक्ष कमजोर रहेकाले महिलाहरू हिंसामा पर्दै गएको उनीहरूको भनाइ छ ।
कार्यक्रममा बोल्दै आन्तरिक मामिला तथा कानुन मन्त्रालयका उप–सचिव विश्वदिप बेस्राले छलफलमा उठेका कुराहरूलाई व्यवहारमा लागु गर्न आवश्यक रहेको बताए । महिलाले आफ्नो जिम्मेवारी प्रति बोध गर्न सक्दैन तबसम्म महिला र पुरुषमा विभेद भइरहने उनले बताए ।
मन्त्रालयले महिलाका विषयमा थुप्रै काम गरेको उनले दाबी गरे । महिलाको कानुन कार्यान्वयनदेखि चेतना अभिवृद्धि गर्नका लागि स्थानीय तहसंग समन्वय गरेर अगाडि बढ्न मन्त्रालय तयार रहेको उनले बताए ।
सामाजिक विकास मन्त्रालयका निमित्त प्रदेश सचिव गणेशबहादुर सिंहको अध्यक्षतामा कार्यक्रमको आयोजना गरिएको थियो
