धनगढी । नेपाल कम्युनिष्ट पार्टी (एमाले)का स्थायी समिति सदस्य तथा केन्द्रीय प्रचार तथा प्रकाशन विभाग प्रमुख राजेन्द्र गौतमले भीम रावलले पार्टी सदस्यता नवीकरण नगरेको,तोकिएको जिम्मेवारीमा पनि नबसेकाले पार्टीको संगठित सदस्यबाट हटाइएको बताएका छन् ।
प्रेस चौतारी नेपाल,कैलालीले बिहीबार धनगढीमा आयोजना गरेको पत्रकार सम्मेलनमा बोल्दै उनले यस्तो बताएका हुन् ।
उनले भने ‘भीम रावल एउटा क्रियाशील व्यक्तित्व हो । पार्टीको एउटा नेता नै हो । जब उहाँले १० औँ महाधिवेशनमा अध्यक्षको प्रत्यासी भएर चुनाव लडिसकेपछि उहाँ पराजित हुनु भो । निर्वाचनमा पराजित भएको व्यक्ति सामान्यतया लोकतान्त्रिक मूल्य र मान्यताका आधारमा पाँच वर्ष कुर्नुपर्ने हो ।’
उनले भने ‘हाम्रो पार्टीको बैधानिक व्यवस्था के छ भने कुनै पनि केन्द्रीय पदाधिकारी निर्वाचनमा पराजित भयो भने केन्द्रीय सल्लाहकारमा संगठित हुने व्यवस्था छ । उहाँ (भीम रावल) त्यहाँ पनि संगठित हुन जानु भएन । सपथ नै लिनु भएन् ।’
उनले भने ‘पार्टी सदस्यता पनि नवीकरण गर्नु भएन् । सल्लाहकारमा पनि बस्नु भएन् तपाइले यो किन गरिरहनुभएको छ भनेर पार्टी उहाँ (भीम रावल)लाई पार्टीसँगको सम्बन्ध के हो भनेर स्पष्टिकरण साध्यो । स्पपष्टिकरण घरमा पु¥याउन जाँदा पनि ग्रहण गर्नु भएन् । पार्टी मै आएर बुझौला भन्नुभयो । तर स्पष्टिकरण दिनु भएन् ।’
‘उहाँ (भीम रावल)ले पार्टी सदस्यता पनि नवीकरण नगरेको,पार्टीले तोकेको जिम्मेवारी पनि नसमालेका कारण पार्टीले उहाँ संगठित सदस्यबाट निकालेको हो’ उनले भने ।
