धनगढी । यही माघ ३० गते प्राध्यापक डाक्टर हेमराज पन्तलाई नागरिक अभिनन्दन गरिने जनाएको छ । कैलालीको धनगढी उपमहानगरपालिकाले शिक्षा क्षेत्रमा पन्तले पुगाएको योगदानको कदर गर्दै नागरिक अभिनन्दन गरिन थालेको जनाएको हो । नागरिक अभिनन्दन गर्न नगरपालिकाले शुक्रवार समिति गठन समेत गरिएको छ।
धनगढी उपमहानगरपालिकाका नगर प्रमुख गोपाल हमाल संयोजक रहेको १५१ सदस्यीय समिति गठन गरिएको हो। उनले पार्कमोडमा सम्मान कार्यक्रम राखेको जानकारी दिए ।
कैलाली वाणिज्य क्याम्पसको नाम २०३८ सालमा कैलाली बहुमुखी क्याम्पस राखिएको थियो। भारतबाट विद्यावारिधि गरेका पन्त २०४५ सालमा कैलाली बहुमुखी क्याम्पसको प्रमुख नियुक्त भएका थिए।
प्राध्यापक पन्तले २०६६ सालसम्म कैलाली बहुमुखी क्याम्पसको प्रमुख पदमा रहेर काम गरेका छन्। डोटीको शिखर नगरपालिका–९ उच्चाकोटमा २०११ साल फागुन २१ गते जन्मिएका पन्तले धनगढीलाई कर्मथलो बनाएका हुन्।
२०३७ सालदेखि हालसम्म धनगढीमा कर्मथलो बनाएर सुदूरपश्चिमको शिक्षा क्षेत्रको विकासमा महत्वपूर्ण भूमिका निर्वाह गरेकाले
डा.पन्तलाई सम्मान गर्न लागिएको नगरप्रमुख गोपाल हमालले बताए।
