डोटी । डोटीमा सुत्केरी ब्यथा लागेकी महिलाको नेपाली सेनाको हेलिकप्टरबाट उद्धार गरिएको छ । आइतबार जिल्लाको बडीकेदार गाउँपालिका–५ केदारमाण्डौकी २३ वर्षिया बिष्नादेवी पुनमगरको हेलिकप्टरबाट उद्धार गरिएको हो ।
सुत्केरी ब्यथा लागि सुत्केरी हुन नसकेर अचेत अवस्थामा पुगेपछि मगरलाई हेलिकप्टरमार्फत कर्णाली प्रादेशिक अस्पताल सुर्खेत लगिएको जिल्ला प्रहरी कार्यालय डोटीले जनाएको छ । स्थानीय सामुदायिक स्वास्थ्य इकाई सेउडेखेतमा सुत्केरी हुन नसकेर अचेत अवस्थामा रहेको भन्ने जानकारी जिल्ला प्रशासन कार्यालय डोटीले पाएपछि उनलाई सेनाको हेलिकप्टरबाट उद्धार गरिएको प्रहरीले जनाएको छ ।
