महेन्द्रनगर । प्रेस सेन्टर नेपालको एक्काइसौँ स्थापना दिवसका अवसरमा विभिन्न कार्यक्रम गर्दै देशभरि मनाइएको छ। श्रमजीवी पत्रकारहरूको संगठन प्रेस सेन्टर कञ्चनपुर जिल्ला समन्वय समितिले कञ्चनपुरमा पत्रकारहरुसँग छलफल तथा अभिमुखीकरण कार्यक्रम सहित आफ्नो स्थापना दिवस मनाएको छ।
युद्ध पत्रकारिताबाट जन्मिएको संगठन क्रान्तिकारी पत्रकार संघ हुँदै विभिन्न पटक धुर्वीकरण हुँदै प्रेस सेन्टरका रूपमा देशभरि हजारौं पत्रकारहरूको साझा संगठन बनेको छ। माघ १५, प्रेस सेन्टर नेपालले आफ्नो स्थापना दिवस मनाउँदै आएको छ।
प्रेस सेन्टर कञ्चनपुरका अध्यक्ष अरुण भट्टको सभापतित्वमा भएको शुभकामना आदानप्रदान तथा अभिमुखीकरण कार्यक्रममा नेपाल उद्योग व्यापार महासङ्घका प्रदेश महासचिव शिवराज पनेरु,नेकपा माओवादी केन्द्र कि प्रदेश कमिटी सदस्य दुर्गा जोशी, अखिल क्रान्तिकारीका जिल्ला अध्यक्ष डीबी अविरल, नेकपा माओवादी केन्द्रका शुक्लाफाँटामा नगर कमिटी सचिव दीपक भट्ट, नेपाल पत्रकार महासंघका सुदूरपश्चिम सदस्य अर्जुनबहादुर सिंह, शाखा कञ्चनपुरका उपाध्यक्ष धर्मा रोकाया, कोषाध्यक्ष मोहन बिष्ट, चौतारीका सचिव मदन राजगिरी, प्रेस सेन्टर जिल्ला सल्लाहकार राजेन्द्र बिष्ट लगायतका व्यक्तित्वहरूको सहभागिता रहेको थियो।
स्थापना दिवसका अवसरमा उद्योग व्यापार महासंघका महासचिव शिवराज पनेरुले संगठनको बलिदानी ऐतिहासिक भएको र पत्रकारहरु सक्रियतापूर्वक व्यावसायिक पत्रकारितामा अगाडि बढ्नुपर्ने शुभकामना दिए । यस्तै महासङ्घ शाखा कञ्चनपुरका कोषाध्यक्ष मोहन बिष्टले संगठनले जनपक्षीय पत्रकारिताका क्षेत्रमा सफलताको शुभकामना व्यक्त गरे । पत्रकारहरूका बीचमा व्यावसायिक पत्रकारिता र जनपक्षीय पत्रकारिता कसरी गर्न सकिन्छ भन्ने विषयमा छलफल तथा अभिमुखीकरण भएको थियो ।
प्रेसेन्टर कञ्चनपुरका अध्यक्ष अरुण भट्टले संस्थाको स्थापना दिवसका अवसरमा सहभागीहरूलाई शुभकामना तथा व्यावसायिक पत्रकारताका क्षेत्रमा अगाडि बढ्न शुभकामना व्यक्त गरेका थिए ।
उनले भने ‘आजको ऐतिहासिक दिन, प्रेस सेन्टर नेपालको २१औं स्थापना दिवसको अवसरमा स्वदेश तथा विदेशमा रहनुभएका सम्पूर्ण श्रमजीवी तथा क्रान्तिकारी पत्रकारहरूलाई हार्दिक शुभकामना व्यक्त गर्दछौं ।’
संगठनको चर्चा गर्दै अध्यक्ष भट्टले भने ‘स्थापना कालदेखि यस संस्थाले जनपक्षीय, मर्यादित, र जवाफदेही पत्रकारिताको जग बसाल्दै सुशासन र समृद्धिको मार्गमा निरन्तर योगदान गर्दै आइरहेको छ।
