धनगढी । मातृभूमि जागरण अभियान सञ्चालन गरिरहेका डा. भीमबहादुर रावलले अहिलेको सरकार जनताप्रति गैह्र जिम्मेवार भएको बताएका छन् ।
आज धनगढीमा आयेजित पत्रकार सम्मेलनमा बोल्दै उनले सरकारले जनाका हित विपरीत,संविधानमा उल्लेखित मौलिक हक विपरीत काम कारबाही गरिरहेको बताएका हुन् ।
पूर्व उपप्रधानमन्त्री समेत रहेका डा रावलले केपी ओली शर्मा नेतृत्वको सरकारले अध्यादेशबाट सरकार चलाउन खोजेको बताउँदै संसदमा प्रर्याप्त विरोध हुन सक्ने बताए ।
उनले भने ‘प्रधानमन्त्री ओलीले अध्यादेश संसदमा पारित नहुने स्थिति देखेर संक्षिप्त प्रकृयाबाट पारित गर्ने भनेर भनिराख्नु भएको छ,उहाँको जुन निरंकुश,स्वइच्छाचारी चरित्र छ त्यो फेरि एकपटक सबैको सामु छर्लङ्ग भएको छ ।’
एमालेमा हुँदा आफूले सरकार,संसद र दलभित्र जनताका इच्छा आकांक्षा अनुसार देश र जनताको हितमा काम गर्नुपर्छ भनेर आवाज उठाउँदै आएको बताउँदै उनले राष्ट्रको अखण्डता,स्वाधिनता,स्वाभिमान,जनताको समृद्ध अधिकार र सबै क्षेत्रबाट भ्रष्टाचारको अन्यका बारेमा आवाज उठाउँदै आएको बताए ।
‘मैले देश र जनताका पक्षमा उठाएका कुरा केपी शर्मा ओली जीलाई सह्य भएन् । तै पनि एमाले हजारौको पसिना योगदानबाट विस्तार र निर्माण भएको पार्टी हुनाले यो पार्टी देश र जनतााका लागि उपयोगी होस् भनेर अन्तिमसम्म प्रयत्न गरे’ उनले भने ‘दल भित्र जसले तथ्य कुरा औल्याउँछ,साँचो बोल्छ,जनताको हक अधिकार कुण्ठित गर्ने तर्फ आलोचना गर्छ म मात्र हैन धेरै व्यक्तिलाई धमाधम कारबाही गर्नुभयो ।’
उनले मातृभूमि जागरण अभियान पार्टी निर्माणको आधाशीला भएको बताउँदै यो अभियान देश र जनताको हितमा,भ्रष्टचारविरुद्ध रहेको बताए ।
