धनगढी । कैलालीको गौरीगंगा-६,दैद्वारी,बनबेहडा,कैलालीको प्रथम वार्षिक साधारणसभा सोमबार सम्पन्न भएको छ ।
समितिका अध्यक्ष प्रकाशबहादुर खडकाको सभापतित्वमा सम्पन्न उक्त कार्यक्रमका प्रमुख अतिथि गौरीगंगा नगरपालिका-६ का अध्यक्ष टेकबहादुर कुँवर रहेका थिए भने विशिष्ट अतिथि वडा-३ का सदस्य धनिराम आचार्य र खानेपानी डिभिजन कार्यालय धनगढीका कृष्ण भट्ट रहेका थिए ।
अतिथिहरु बिणा ग्रामीण बिधुत सहकारी संस्थाका अध्यक्ष पुरनसिं कडायत,रानिफाँटा सामुदायिक बन समितिका अध्यक्ष चक्र बोगटी,समाजसेवी यकम छेडाल,सिद्ध कँडेल लगायतकाले शुभकामना मन्तव्य ब्यक्त गरेका थिए ।
कार्यक्रममा विभिन्न संघ-संस्थाका प्रतिनिधि एवं प्रतिनिधि र ग्राहक सदस्यहरुको सहभागीता रहेको थियो।
सो साधारणसभा कार्यक्रममा समितिद्वारा स्थापनाकालदेखि संस्थालाई सहयोग तथा खानेपानी पाईप लाईन विस्तार कार्यमा अहोरात्र खट्ने २६ जनालाई सम्मान तथा प्रमाणपत्र वितरण गरिएको थियो। सो समितिले हालसम्म ५ सय ४९ धारा जडान गर्दै गौरीगंगा-३,कुचैनीमा पनि खानेपानी विस्तार गरेको जनाइएको छ।
संस्थाको आव २०८०/०८१ को १४ लाख ९६ हजार ६०८ बराबरको आय-व्यय समितिकी कोषाध्यक्ष बिना चौधरीले प्रस्तुत गरेकी थिइन ।
मेखराज जोशीले स्वागत मन्तव्य व्यक्त गरेका थिए भने कार्यक्रमको संचालन समितिका सचिव हेमन्तराज जोशी(बाजे)ले गरेका थिए।
