धनगढी । राष्ट्रिय समाचार समिति (रासस)को ६४ औँ वार्षिकोत्सवमा राससकर्मी तिलकराज ओझा पुरस्कृत भएका छन ।
उत्कृष्ट स्थानीय समाचारदातातर्फ कैलाली डेटलाईनमा कार्यरत ओझा पुरस्कृत भएका हुन ।
राससको ६४ औँ वार्षिकोत्सवका अवसरमा रासस सुदूरपश्चिम प्रदेश कार्यालयले बुधबार धनगढीमा आयोजना गरेको ‘सुशासन र समृद्धिका लागि रासस’ विषयक अन्तरक्रिया कार्यक्रममा ओझालाई आन्तरिक मामिला तथा कानुनमन्त्री हिरा सार्कीले दोसल्ला ओढाएर प्रसंशापत्र प्रदान गरेका थिए ।
ओझाले पुरस्कृत हुँदा आफूलाई थप हौसला प्राप्त भएको र जिम्मेवारी थपिएको बताए ।
उत्कृष्ट स्थानीय समाचारदातातर्फ देशभर तीन जना पुरस्कृत भएका थिए ।
